Çfarë kosto ka negativiteti?

Çfarë kosto ka negativiteti?

Herë mbas here, të gjithë kanë momente kur i mbushet kupa, kur e lëshojnë veten dhe thonë gjëra që nuk duhet ti thonë.

Disa e kanë të shpeshtë, disa e kanë një herë në 6 muaj, por në të dyja rastet ka një kosto dhe ndonjëherë ajo e shprehur më rallë, mund të ketë efekt shumë herë më të thellë se ajo që ndodh shpesh.

Në jetë, çfarë është e rëndësisshme të kuptojmë është se çdo gjë që bëjmë shkakton një efekt përreth nesh.

Edhe një fjalë, e thënë në një moment kyç, e thënë në një mënyrë specifike, ka fuqinë të dëmtojë apo të përmirësojë jetën e dikujt.

Në fund të ditës të gjithë jemi njerëz dhe jo gjithmonë mund të arrijmë të menaxhojmë emocionet tona siç duhet, por duke ditur që çdo veprim apo fjalë e jona, ka fuqinë të ndikojë rreth e rrotull për mirë apo për keq…

Ndoshta kjo mund të na shërbejë si busull për të na drejtuar më shpesh në rrugën e duhur se sa në atë të gabuarën…


Shkruaj një koment