Çfarë kosto oportune kanë 2000 Lek?!

Kur isha i vogël, thjesht mendoja për atë që doja, mblidhja leket dhe e bleja.

Sot, mbas vitesh eksperiencë dhe “shenja në kuriz, mendja ime funksionon ndryshe.

Për çdo shpenzim (jo vetëm financiar), sado i vogël të jetë ai, mendoj me vete se kush është kosto oportune e këtij shpenzimi.

Kosto oportune është alternativa paralele e atij shpenzimi.

Pra, nëse kam mundesinë të shpenzoj 2000 Lek për të blerë një palë xhinse, çfarë tjetër do mund të bleja me të njëjtën shumë lekësh dhe cila alternativë do ishte më e mira.

Duke e pyetur veten vazhdimisht për këtë gjë, shpesh herë mund të sigurohemi që të bëjmë vendime dhe investime më të zgjuara me burimet tona financiare, materiale apo kohore.

Disa herë alternativa do jetë më e mirë, disa herë jo, por ushtrimi në vetvete na ndihmon të jemi më praktik, më të qëllimshëm dhe që të kemi përgjithësisht kthim në investim më të lartë.