Çfarë të dhuron energji?

Çfarë të dhuron energji?

Shpesh herë në jetë mund të gjendemi në momente kur nuk dimë pse po bëjmë atë cka po bëjmë.

Nuk dimë pse jemi duke ndjekur një punë të caktuar!

Nuk dimë pse po punojmë fort, ose e kundërta pse nuk po punojmë fare.

Nuk dimë pse gjendemi në të njëjtën pikë ku ishim para 1 viti, etj.

Shpesh herë në jëtë, mund të na ndodh që të gjendemi në një rrugë të verbër, ku çka bëjmë duket sikur nuk ka kuptim apo qëllim.

Nga çfarë kam vëzhguar nga natyra njerzore dhe duke parë thuajse çdo njeri, të afërt ose jo, që kam njohur, duke përfshirë këtu dhe veten time.

Kam kuptuar që thuajse të gjithë, kanë momente apo periudha të tilla në jetën e tyre.

Në këto momente apo periudha, ndoshta pyetja që duhet ti bëjmë vetvetes është më e thjeshtë seç e mendojmë.

Në vënd që ti bëjmë vetes pyetje të tipit, kush është pasioni im, çfarë pune dua të bëj, kush është rruga që duhet të ndjek, etj.

Ndoshta pyetja e duhur është:

Çfarë na dhuron energji?

Aty ku shkon energjia, shkon dhe fokusi, shkon dhe vullneti dhe sigurisht pasioni.

Shpesh herë në jetë, i bëjmë vetes pyetjet e gabuara dhe si të tilla, marrim përgjigjiet e gabuara.

Pra me lejoni t’ju pyes, në këtë kohë, në këtë moment, çfarë ju dhuron energji?

Ndoshta është ndarja e nje mesazhi me të tjerët, ndoshta është të bëni para, ndoshta është të udhëtoni dhe të eksploroni, ndoshta të krijoni diçka…

Çfarëdoqoftë ajo çka ju dhuron më shumë energji…

Ndoshta duhet të konsideroni të bëni më shumë nga ajo gjë.

Shkruaj një koment