Tregtia Shqiptare në 2021-2022

Tregtia Shqiptare në 2021-2022

Tregtia Shqiptare ka kaluar disa faza të rëndësishme ndryshimi rrënjësor një ndër të cilat po ndodh aktualisht.

Deri në 2011, thuajse 100% e tregtisë Shqiptare ndodhte në nivel fizik, pra nëpërmjet dyqaneve dhe qëndrave tregtare fizike.

Në 2011 e tutje, filluan për herë të parë shitjet online nëpërmjet kompanive 123.al, Dyqan Taxi (sot titulluar Aladini) dhe të tjerë në vijim.

Përgjatë këtyre viteve të para, shumica e porosive regjistroheshin dhe procesoheshin nëpërmjet faqeve online.

Teksa rrjetet sociale filluan të popullarizohen dhe të fitojnë përdorueshmëri mase në celular, mënyra e blerjeve online filloi të konvertohet nga shitjet në faqe web-i, tek shitjet nëpërmjet mesazheve në rrjete sociale si Instagram, duke prodhuar kështu një masë të re shitësish dixhital.

Ky kalim erdhi me të mira dhe të këqija, ndërkohë që 2020 luajti rolin definitiv për zhvillimin e tregut dixhital si rrjedhojë e pandemisë.

Shkalla e masës së arritur sot, po i afrohet konkurencës reale të tregut fizik.

Shumë industri, si ajo ushqimore, veshjeve etj. po fitojnë treg të konsiderueshëm online, teksa po shohim lindjen e bizneseve super të suksesshme me veprimtari 100% online.

Faza aktuale e ndryshimit që po shohim dhe do shohim në vitet në vijim, është ajo e rikthimit në web.

Shumica e këtyre shitësve online kanë filluar të kuptojnë dallimin midis një biznesi online të mirfilltë dhe një llogarie në IG apo rrjete të tjera sociale, duke investuar kështu në faqe webi funksionale dhe efektive.

Në vitet në vijim, parashikimi im është që shumica e blerësve do ti referohen një dyqani online, ndërsa mesazhet në rrjete sociale do kthehen në mbështetje të këtyre infrastrukturave, duke arritur në shumë aspekte një fazë pjekurie të tregtisë dixhitale dhe lindjen e shumë bizneseve të tjera inovative.

Ky ndryshim po ndodh.

Tregu dixhital është tashme një pjesë funksionale dhe e përditshme e jetës tonë dhe jo një vizion i së ardhmes.

Çfarë do sjell ky ndryshim dhe si do ndikojë ai tek vrulli i ri i sipërmarrësve apo blerësve…

Kjo mbetet për tu parë!

 


1 koment

  • Lavdosh ferruni

    Funksionon per eksperiencat turistike?

Shkruaj një koment